nut graf

13:58 Feb 28, 2010 

Njëri është ai që kam përmendur më sipër:
key paragraph
Ja dhe një listë të tjerësh që ndeshen në gjuhën e gazetarisë në anglisht:
sum-up paragraph
introductory paragraph
concluding paragraph
Është e lehtë që "nut paragraph" të ngatërrohet me njërin prej këtyre të katërve (e ndoshta me të tjerë që s'më vijnë ndërmend tani :) në qoftë se përkthimi nuk e emërton si të veçuar prej secilit lloj tjetër. Në rastin konkret, më duket e rëndësishme të përqendrohemi te shpjegimi i këtij lloj paragrafi si "core information".

00:01 Feb 27, 2010 

... dhe informacioni i shkurtër i të cilit shtjellohet në tekstin e artikullit që përmban konstruktin e plotë të shkrimit: hyrjen, sqarimet, faktet, opinionet dhe mbylljen në mënyrë të hollësishme.
Sigurisht, këto janë përkufizimet siç i shoh unë, por ka vend për përmirësime e saktësime. Ka gjithashtu vend për sugjerime termash të tjerë sigurisht :).

23:55 Feb 26, 2010 

Përshëndetje, Roland
Faleminderit për hapjen e diskutimit. Besoj se është tepër i nevojshëm me këtë term dhe shpresoj t'i bashkohen dhe të tjerë nga radhët tona.
I jam kthyer me ditë të tëra termit për të parë nëse kishte sugjerime, por dhe kërkimet nëpër internet, nga ana tjetër, s'më nxorrën gjë në dritë :). Kontrollova për paragraf përmbledhës, kyç, kryesor, qendror e kushedi sa të tilla që më silleshin ndër mend. Qëmtova dhe fjalorin e shqipes - kryq e tërthor :) - por s'gjeta asgjë të përdorur pikërisht në lidhje me ndërtimin e një artikulli gazete. E megjithëkëtë, s'do të thosha se nuk gjendet ndonjë fjalë që gazetarët vetë e përdorin brenda rrethit të tyre, prandaj dhe nivelin e sigurisë me sugjerimin e kam vënë të ulët, pasi është thjesht kaq: një sugjerim.
Ke të drejtë kur vë në dukje praninë e termave që përdoren për të njëjtën gjë. Edhe unë e mora parasysh që "paragraf kyç" do t'i përgjigjej "key paragraph" dhe ky më duket se do të përshtatej më mirë për të përshkruar një pjesë të rëndësishme të artikullit, pa të cilën shkrimi s'do të kishte kuptim apo s'do të ishte i plotë. "Nut graf" është një paragraf i veçuar, të cilin mund ta lexosh në vend të artikullit,

16:19 Feb 26, 2010 

Përshëndetje Ledja,
Termin "nut graf", edhe pse ka të bëjë me thelbin, shpesh e kam hasur të përkthyer edhe si "paragraf kyç". Diskutimi yt mbi termin ndoshta hedh dritë të re mbi këta dy terma të gazetarisë: nut graf dhe key graf dhe përkthimin e saktë të tyre, paragraf thelb(-ësor) dhe paragraf kyç. Problemi tjetër që vijon është përkufizimi i saktë i njerit dhe i tjetrit për të mos i ngatërruar më vonë.