Hi Genta,

Fola në mëngjes me "tim babi" që është mjek dhe ka punuar e vazhdon të punojë me bimët, që kur ka qenë i ri. Këtu nuk bëhet fjalë për bimë të njohura gjerësisht siç mund të jetë rrapi, bliri, mëllaga, sherebela për të cilat nuk diskutohet emri me të cilin njihen. Më tha që s'duhet të të vrasë aspak ndërgjegja nëse përdor emërtimin shkencor kur u referohesh bimëve jo shumë të njohura, biles është shumë më i rekomandueshëm sesa emri popullor. Si me rastin e atij gjembaçit para pak kohësh, ekzistojnë emra të ndryshëm në shqip për 1 bimë, në disa raste gjen edhe 10 emra popullorë, sepse secila krahinë mund të përdorë një të ndryshëm. Biles, në disa raste mos u mundo t'u gjesh fare emër në shqip duke qenë se për to është përdorur emërtimi në latinisht gjithë kohës. Preferohet emri shkencor duke qenë se anashkalon çdo keqkuptim, plus që është edhe plotësisht i kuptueshëm për ekspertët e fushës. Prandaj, mendoj se nuk duhet të ndjehesh fare fajtore dhe është plotësisht OK nëse përdor emrat shkencorë në latinisht për këto bimë që të kanë prishur gjumin e fundjavës:o)

Gjithë të mirat edhe me krahë të lehta!