audience

12:02 Jun 17, 2009 

E dashur Fabiana,
Marketingu, reklamimi dhe biznesi kanë qenë pjesë e punës time si përkthyese të paktën në 9 vitet e para të eksperiencës time në këtë fushë. Më vjen shumë keq që ju shprehni dyshime sepse mendoj se askush nga ne s'është në atë pozicion të gjykojë të tjerët.
Punën e përkthyesit ne duhet ta shohim si një kombinim shumë të ngushtë të përvojës dhe përkthimit si shkencë më vete ku përfshihen librat, fjalorat, dhe kërkime të ndryshme. Eksperienca e njerit apo tjetrit nuk do të thotë se ky njeri apo tjetri ka të drejtë vetëm duke u bazuar nga një eksperience e vetme, personale.
Sa për shembullin e Enrique: Unë e lexova referencën qysh herën e parë dhe ju riktheva përsëri pas sugjerimit tuaj. Në fakt unë lexova gjithë materialin. Edhe në këtë rast fjala audience përkthehet publik. Flitet për përfshirjen e publikut të gjerë në marketing.

05:02 Jun 17, 2009 

Falemnderit për mendimin, Klemi por duhet të dini që puna e përkthyesit nuk përbëhet vetëm nga fjalorët që secili nga mund të ketë në raftet e bibliotekës së vet por sidomos nga përvoja në një fushë të caktuar.

Edhe unë i pashë fjalorët.

Përvoja e marketingut, që lidhet me strategjitë e reklamimit të produktit dhe të shitjeve të tij ndihmon cilindo të shohë e të dijë se si me audiencë i referohen edhe klientelës.

Shembuj:

1) http://www.businessweek.com/smallbiz/content/dec2005/sb20051...

2) Shihni referencën e dytë që ka sjellë Enrique - aty flitet për klientelë dhe jo për shikues, teleshikues, dëgjues, dhe as për publik në përgjithësi.

3) Po për target audience në fushën marketing & advertisement a keni dëgjuar? Në këtë rast do të dinit pra që target audience është ai grup klientele ku shpresohet që produkti të reklamohet, njihet, pëlqehet, përmirësohet edhe të nxisë shitjet.

a) http://ezinearticles.com/?Make-Your-Audience-Say-Wow-to-Your...
b) http://marketing.about.com/cs/brandmktg/a/target_market.htm

Pra,

03:02 Jun 17, 2009 

Do të pajtohesha me të gjitha variantet e përkthimit të fjalës audience por në mënyre absolute jo me përkthimin e kësaj fjale në klientelë e cila në bazë të fjalorit anglisht (clientele) shqip do të thotë vartësi,blerës të rregullt, klientelë. Në bazë të fjalorit shqip - shqip fjala klient do të perifrazohet si blerës, myshteri i një ndërmarjeje, dyqani, etj.
Personalisht si përgjigjen më të mirë e më të plotë dhe më të saktë e më të përmbledhur do të zgjidhja publik dëgjues - publik ndjekës. Nuk kam asgjë kundra edhe ndaj përkthimit të fjalës në: shikuesit, teleshikuesit, publiku, dëgjuesit, të interesuarit. por duhet të kemi parasysh që ne do të votojmë për variantin më të mirë.